Tilgangurinn helgar meðalið

Færsla Jóns Magnússonar um daginn; Pravda, átti svo sannarlega rétt á sér, því miður. Hver er tilgangurinn með þessu öllu saman? Staðan gefur alls ekki tilefni til alls þessa hafarís. Tilgangurinn er að koma bóluefnunum sem kennd eru við Covid-19 í okkur, með öllum tiltækum ráðum. Hluti meðalsins er ótti, sem hamrað hefur verið á, allt Covid-19 árið. Og þessi óttaiðnaður hefur gengið ótrúlega vel. Ennfremur er hluti meðalsins ritskoðun sem menn reyna að klæða í huggulega orðræðu; upplýsingaóreiða

Þjóðaröryggisráð ákvað fyrir ári síðan að koma á vinnuhópi, til að kortleggja birtingarmyndir og umfang upplýsingaóreiðu í tengslum við faraldurinn og síðastliðið haust lögðu nokkrir þingmenn fram tillögu til þingsályktunar, frá meiri hluta Íslandsdeildar Norðurlandaráðs. En Íslendingar fóru með formennsku í ráðinu á seinasta ári og höfðu þar beitt sér fyrir umræðu um dreifingu falskra og villandi upplýsinga með það að markmiði að auka meðvitund og þekkingu almennings. Þessi tillaga var endurflutt og breytt frá árinu áður. 

Árið 2007 skrifuðu Íslendingar undir Alþjóðaheilbrigðisreglugerðina ásamt yfir hundrað öðrum þjóðríkjum. Með undirskrift reglugerðarinnar felst ákveðið valdaframsal heilbrigðisyfirvalda hér hvað varðar varnir gegn smitsjúkdómum og þá smitsjúkdómum sem skilgreindir eru sem heimsfaraldur. En sú skilgreining var rýmkuð til muna í kringum svínaflensuna 2009. Nú dugar skilgreiningin; smitandi og fer víða um lönd. Ekki er lengur nauðsynlegt að heimsfaraldur sé bráðdrepandi eða valdi mjög alvarlegum veikindum. 

Eins og staðan er í dag, leggur WHO og systurstofnun hennar í Evrópu, línurnar varðandi sóttvarnir vegna Covid-19. Svo virðist sem sóttvarnaryfirvöld hér hafi ekki mikið um það að segja. 

Ef við horfum yfir sviðið frá upphafi Covid-19 þá sjáum við ótrúlega samræmdar aðgerðir, vítt og breytt um heiminn, eini munurinn er einhver stigsmunur á milli landa, enginn eðlismunur. Það er líkt og töfrasproti hafi með einni sveiflu sett línurnar fyrir allan heiminn. Og þannig er það. Allar aðgerðir einkennast af því að öll meðul séu heilög til að ná tilganginum; bólusetningu þorra jarðarbúa.

Sóttvarnaryfirvöld hafa verið misvísandi í sínum málflutningi, sbr. lokanir á landamærum eða þá grímunotkun svo dæmi sé tekið. Við, þegnar þessa lands, erum kjósendur og okkur er treyst til að kjósa okkur fulltrúa til sveita- og bæjarstjórna og til Alþingis. Dómgreind okkar er treystandi til þess. En hins vegar treysta stjórnvöld okkur ekki, hafa greinilega enga trú á dómgreind okkar til að greina milli þess hvað er rétt og hvað er rangt. Heldur ætla stjórnvöld að ákveða fyrir okkur hvað við megum sjá og heyra. Í nefndri þingályktunartillögu kemur m.a. fram að mikilvægi miðlalæsis hafi aldrei verið meira og sérhver einstaklingur geti aðgreint falsfréttir frá raunverulegum fréttum. Þvílíkur hroki, ég segi nú ekki annað. Það rifjast upp að tillaga var á franska þinginu fyrir nokkrum árum síðan, að banna falsfréttir. Hver ætli fulltrúi raunverulegra frétta sé í hugum tillögu-þingmanna: RÚV, VISIR, BBC, REUTERS, CNN...?

Í téðri þingsályktunartillögu kemur eftirfarandi fram: "Upplýsingaóreiða hefur áhrif á getu almennings til að afla sér réttra upplýsinga um stefnu og ákvarðanir stjórnvalda(leturbr. höfundar) og annað sem varðar hagsmuni hans. Hún eitrar samfélagslega umræðu, eykur spennu á milli ólíkra þjóðfélagshópa og grefur undan kosningakerfum, sem haft getur alvarleg áhrif á þjóðaröryggi." Svo mörg voru þau orð. Dómgreind okkar er ekki treystandi, við erum líkt og börn á forræði foreldra okkar, það verður að hafa vit fyrir okkur. Og vel að merkja, stefna og ákvarðanir stjórnvalda skulum við sætta okkur við, með góðu eða illu. 

Mér er ljóst og vissulega er það djörf fullyrðing, að bólusetningar gegn Covid-19 er helsti tilgangur allra þessara aðgerða; bólusetning með tilraunabóluefni sem er á skilyrtu markaðsleyfi og án þess að þorri þeirra sem þiggja bóluefnin hafa forsendur til upplýsts samþykkis. En yfirvöldum ber að upplýsa þiggjendur bóluefnanna um mögulegar hættur sem geti fylgt slíku tilraunabóluefni. 

Ég minni á orð Rúnu Hauksdóttur Hvannberg um mRNA bóluefni Pfizer og Moderna, þar sem genaupplýsingar eru fluttar inn í líkamann, afritast þar og framleiða gadda-prótein. Ef þetta er ekki leikur með erfðaefni okkar, þá veit ég ekki hvað. 

Baráttan gegn upplýsingaóreiðu/falsfréttum er alþjóðleg þar sem fulltrúar okkar á þingi leggja sitt af mörkum til að hafa vit fyrir okkur. Það ætti að vera hverjum Íslendingi ljóst sem hefur þokkalega dómgreind og ekki heltekinn af sjálfsritskoðun(hættulegasta ritskoðunin), að ekki hefur eðlilega eða réttlátlega verið farið með okkur í þessu heimsfári. 

Tökum ekki þátt í þeirri rússnesku rúllettu sem reynt er að þvinga uppá okkur. Það er ekki nokkur grunnur eða ástæða til að taka við þeim bóluefnum sem reynt er að ota að okkur, hvort sem það eru mRNA-bóluefnin eða hin hefðbundnari. Hver tilgangurinn er, það er svo annað mál. 

 


Grein Jóhannesar Loftssonar í tveim hlutum um sóttvarnaraðgerðir og tilraunabólusetningar.

Svo virðist sem Morgunblaðið sé eini miðillinn af þeim stóru sem opinn er fyrir skoðanskipti um viðbrögð við Cóvið. Tilvitnun úr seinni hlutanum: Þeir sem fórna frelsi fyrir öryggi uppskera oftast hvorugt. Önnur tilvitnun: Loforð þeirra[stjórnmálamenn] um að ábyrgjast heilsu okkar getur því bara leitt til meiri frelsisskerðinga og þjóðin sekkur dýpra inn í blindgötu sjálfsblekkinga.

https://www.mbl.is/greinasafn/grein/1774639/

https://www.mbl.is/greinasafn/grein/1774994/


Innskráning

Ath. Vinsamlegast kveikið á Javascript til að hefja innskráningu.

Hafðu samband